அதிசயங்களை நிகழ்த்த வரும் அதிசார குரு!

 

ஒரு கிரகம் முறையான பெயர்ச்சிக்கு முன்னரே தற்காலிகமாக அடுத்த ராசிக்கு செல்லும் பெயர்ச்சியே அதிசார பெயர்ச்சி என அழைக்கப்படுகிறது. தற்போது மகரத்தில் சனியோடு இணைந்து நிற்கும் குரு இன்னும் சில நாட்களில் கும்பத்திற்கு அதிசாரமாக செல்ல இருக்கிறார்.  உண்மையில் குருவை கடந்து செல்லும் பூமியின் சுழற்சியால் ஏற்படும் ஒரு மாயத்தோற்றமே இது என்றாலும் கிரகங்களின் கதிர் வீச்சுகளே உயிரினங்களை இயக்குகின்றன என்பதன் அடிப்படையில் இதுவும் முக்கியத்துவம் பெறுகிறது. இப்படி அதிசாரமாக அடுத்த ராசிக்கு செல்லும் குரு வழக்கமாக 4 மாதங்கள் அதிசார மற்றும் வக்கிர கதியில் இருப்பார். ஆனால் இம்முறை குரு கிட்டத்தக்க 6 மாத காலங்கள் இப்படி அதிசார மற்றும் வக்கிர கதியில் இருப்பார் என்ற அடிப்படையில் இந்த அதிசார குருப்பெயர்ச்சி முக்கியத்துவம் பெறுகிறது.  பொதுவாக நீச வீட்டிலிருந்து வெளியேறும் ஒரு கிரகம் தனது ஆரோகண பயணத்தை துவங்குகிறது. நீச்ச வீட்டிலிருந்து வெளியேறி அடுத்த வீட்டிற்கு செல்லும் குரு தனது நீச்சத்தன்மையிலிருந்தும் உடன் இணைந்த சுபாவ பாவி சனியின் பிடியிலிருந்தும் விடுபட்டுச் செல்கிறார். இதனால் குரு தற்போது தீவிர வீரியத்தோடு செயல்படுவார் என எதிர்பார்க்கலாம்.  

குரு இக்காலத்தில் பெருமளவு வக்கிர கதியிலேயே இருப்பார். வக்கிர நிலை பெறும்  கிரகங்கள் ராகு-கேதுக்களோடு இணைந்து அல்லது அதன் தன்மையில் செயல்படும் என்பதை நினைவில்கொள்ள வேண்டும்.  அதே சமயம் இதுவரை சனியோடு இணைந்திருந்து சனியின் மற்றொரு வீட்டிக்கு செல்லும் குருவிடம் சனியும் குணமும் இருக்கும் என்பதையும் கவனிக்க வேண்டும். குரு கும்பத்திற்கு சென்று மிதுனத்தையும் சிம்மத்தையும் துலாத்தையும் தனது பார்வையால் புனிதப்படுத்துகிறார். அதற்கு முன்னர்  செவ்வாய் ராகுவை கடந்து செல்லும் இம்மாத கடைசி வாரம் உலக அளவில் ஒரு கடுமையான நெருக்கடியான காலமாக இருக்கும்.  குரு செவ்வாயின் அவிட்ட நட்சத்திரத்தில் கும்பத்திற்கு செல்லும் இதே காலத்தில் குருவின் சார நாதன் செவ்வாய் ராகுவை கடந்து தனது சொந்த நட்சத்திரம் மிருகசீரிஷத்தில் மிதுனம் சென்று குருவின் 5 ஆம் பார்வையை பெறுகிறார் என்பது குறிப்பிடத்தக்கது. இவை எல்லாம் இம்மாத இறுதிக்குப்பிறகு உலக அளவில் அரசியல், வேலை, குடும்ப மற்றும் பணிச்சூழல்களில் மாறுதல்களை அனைவரது வாழ்விலும் உணரும்வண்ணமோ அல்லது உணராவண்ணமோ ஏற்படுத்தும் அமைப்பாகும். இந்த அதிச்சார குருவின் மாற்றம் தனி மனித வாழ்வில் எத்தகைய பாதிப்பை ஏற்படுத்தும் என்பதை இப்பதிவில் நாம் ஆராய்வோம்.

கீழே ஒரு ஆணின் ஜாதகம்.

 

லக்னாதிபதி புதன் 5,12 ஆமதிபதி சுக்கிரனுடன் இணைந்து நீண்ட பயணங்களை குறிக்கும் 9 ஆமிடத்தில் உள்ளதால் ஜாதகர் தனது வாழ்வில் நீண்ட தொலைவு பயணங்களை செய்வார். சுக்கிரனே வெளிநாட்டுப்பயணத்தை குறிக்கும் 12 ஆமதிபதி என்பது குறிப்பிடத்தக்கது. புதன் 1௦ ஆமதிபதியும் ஜல ராசியான மீனத்தின் அதிபதியுமான குருவின் பூரட்டாதி-3 அமைந்து, புதன் நின்ற வீட்டோனான சனி மற்றொரு ஜல ராசியான விருட்சிகத்தில் புதனின் கேட்டை-4 ல் நின்று,  வருமான ஸ்தானாதிபதி சந்திரன் கடகத்தில் ஜீவன காரகன் சனியின் பூசம்-4 ல் நின்றதால் ஜாதகர் வெளிநாட்டில் பணி புரிகிறார். 1௦ ஆமதிபதி தனகாரகன் குருவாகி, லக்னாதிபதியோடு இணைந்த கிரகமும் தனத்தை குறிக்கும் மற்றொரு கிரகம் சுக்கிரனாகி , ஜீவன காரகன் சனி கணக்கு, வங்கி, பதிவுகளை குறிக்கும் புதனின் கேட்டையில் நின்றதால் ஜாதகர் வங்கித்துறையில் பணிபுரிகிறார். கூட்டுக்கிரக சேர்க்கையில் ராகு-கேதுக்களே வலுவானவர்கள் என்ற அடிப்படையில் 1௦ ஆமிட கிரகங்களில் வலுவானது ராகுதான். இதனால் ஜாதகர் வளைகுடாவில் கணினி சார்ந்த துறையில் வங்கி ஒன்றில் பணிபுரிகிறார். (குரு-வங்கி, ராகு-கணினி.)

தற்போது ஜாதகருக்கு 1௦ ஆமிட ராகுவின் சதையம்-4 ல் நிற்கும் சுக்கிரனின் திசையில் லக்னாதிபதி புதனின் ரேவதி-1 நிற்கும் ராகுவின் புக்தி நடத்துகிறது. ராகுவின் சாரநாதன் புதன் உத்தியோக உயர்வை குறிப்பிடும் 9 ஆம் பாவத்தில் 1௦ அதிபதி குருவின் சாரம் பெற்று நிற்கிறார். இந்த அமைப்பால் 9 மற்றும் 1௦ ஆமிட கிரகங்கள் இணைந்து செயல்பட்டு ஜாதகருக்கு தற்போது  தர்ம கர்மாதிபதி யோகத்தை வழங்குகின்றன. ஜாதகருக்கு குருவின் அந்தரம் இன்னும் ஓரிரு நாட்களில் முடிந்து சனியின் அந்தரம் துவங்கவுள்ளது. இதே சமயம் 1௦ ஆமதிபதியான குரு கோட்சாரத்தில் 9 ஆம் பாவமான கும்பத்திற்கு அதிசாரமாக வந்து அங்கு ஜனன காலத்தில் நிற்கும் சுக்கிரன் மற்றும் புதனோடு இணைகிறார். இது ஜாதகருக்கு ஒரு அருமையான கால கட்டமாகும். 9 ஆமிடம் குருவிற்கு இதர பாவங்களைவிட ஒரு ஒப்பற்ற ஸ்தானமாகும்.. காரணம் குரு கால புருஷனுக்கு 9 ஆம் அதிபதி என்பதால்தான். இக்காலத்தில் ஜாதகருக்கு வாழ்வில் உத்தியோக உயர்வுகள் ஏற்பட வேண்டும். காரணம் சனி அந்தரத்தில் இது நடக்கிறது என்பதால்தான். சனிக்கு 9 ஆவது திரிகோணத்தில் கடகத்தில் நிற்கும் சந்திரன் சனியில் சாரத்தில் ஆட்சி பெற்று அமைத்திருக்கிறார் என்பது கவனிக்கத்தக்கது. இட மாற்றத்தை குறிக்கும் சந்திரன் சனியின் சாரம் பெற்றதால் இட மாற்றம் வேலை வகையில் ஏற்படுவதை இது உணர்த்துகிறது. கோட்சார சூரியனும் லக்னத்திற்கு 1௦ ஆம் பாவத்தில் தற்போது நிற்கிறார் இதனால் அப்படி இட மாறுதலோடு அமையும் வேலை ஜாதகருக்கு மிகுந்த மதிப்பையும் சிறப்பையும் தருவதாக அமையும்.  லக்னாதிபதிக்கு நண்பரான சூரியன் ஜனன ஜாதகத்தில் லக்னத்திற்கு 1௦ ல்  திக்பலம் பெற்று அமைந்துள்ள நிலையில் கோட்சாரத்திலும் திக்பலம் பெற்று நிற்பதுதான் இந்த சிறப்பிற்கு காரணம்.

தற்போது ஜாதகர் வளைகுடாவில் தான் பணிபுரிந்த வங்கியிலிருந்து மற்றொரு வங்கிக்கு இடமாறுதலுடன் கூடிய உத்தியோக உயர்வு கிடைக்கப்பெற்றிருக்கிறார். இன்னும் சில நாட்களில்  பணியில் சேர உள்ளார்.     

கீழே இரண்டாவதாக மற்றொரு ஆணின் ஜாதகம்.

  

8 ஆமதிபதி குரு 7 ஆமிடத்தில் வக்கிர கதியில் நிற்கிறார். 7 ஆமிடம் மனைவியை குறிக்கும் பாவமாகும். அங்கு நிற்கும் குரு குடும்பம், குழந்தை வருமானம் இவற்றோடு 8 ஆமதிபதி என்பதால்    விபத்து, கண்டம், மாரகம், பிரிவினை, அவமானம்  போன்றவற்றை குறிக்கிறார். திருமணத்திற்கு பிறகுதான் வாழ்க்கையில் அவமானம் என்றால் என்னவென்று உணர்ந்துகொண்டதாக ஜாதகர் தெரிவிக்கிறார். தன்னை அவமானப்படுத்துவதற்காகவே தனக்கு திருமணம் செய்து வைத்துள்ளார்களோ என புலம்பினார். ஜாதகருக்கு தற்போது லக்னத்திற்கு 4 ஆமிடத்தில் செவ்வாயின் வீட்டில் அனுஷம்-1 சுய சாரம் பெற்ற சனியின் திசை நடக்கிறது. 4, 9 ஆம் வீட்டோனின் ராசியில் சனி நிற்பதால் இரு வீட்டு வேலையையும் சனி செய்தாக வேண்டும். 9 ஆமிடம் சிம்ம லக்னத்திற்கு பாதக ஸ்தானம் என்பதை நினைவில்கொள்ள வேண்டும். இப்படி மேஷத்திற்கு செயல்படும் சனி ஜீவன ஸ்தானமான 1௦ ஆமிடத்திற்கு விரையத்தில் மேஷத்திற்கு செயல்படுவதால் வேலையில் பாதிப்புகளை கொடுத்துக்கொண்டுள்ளார். கோட்சார கேது ஜனன சனி மீது தற்போது சென்றுகொண்டுள்ளது இதை தெளிவாக உணர்த்துகிறது. இதனால் வேலைவகை பாதிப்புகளை எதிர்கொள்ள வேண்டிய கட்டாயம் ஜாதகருக்கு உள்ளது. வேலையில் கவனக்குறைவாக இருந்தால் பணி பறிபோகும் காலமாகும். சனியின் திரிகோணத்தில் ராகு நிற்பதால் ஜாதகர் ராகு-கேதுக்கள் தொடர்புடைய கணினித்துறையில்தான் பணிபுரிகிறார்.   ஜனன சனி மீது கோட்சாரத்தில் தற்போது சென்றுகொண்டிருக்கும் கேதுவின் காரக தொழிலை ஜாதகர் செய்வதால்  வேலை வகையில் பாதிப்பு ஜாதகருக்கு குறைவாகவே உள்ளது. கர்ம காரகன் சனி தந்தையை குறிக்கும் பாவமான 9 ஆமிடத்தோடு தொடர்புகொண்டு செயல்படும் இந்த காலகட்டத்தில் ஜாதகர் தனது தந்தைக்கு கர்மம் செய்யும் நிலை ஏற்பட்டது.. அதே சமயம் 6 ஆமிட நீச்ச குருவால்  மனைவியுடன்  இணக்கமற்ற சூழலில் குடும்பம் நடத்திக்கொண்டிருந்தார். இங்கே குடும்பத்தை பிரியாமல் காப்பது பிரிவினை பாவமான 8 ஆமிடதிற்கு  திரிகோணத்தில் விருட்சிகத்தில் நின்று திசை நடத்தும் சனிதான் என்றால் அது மிகையல்ல. 

8 ஆமதிபதி குரு கோட்சாரத்தில் சனியோடு இணைந்து சென்றுகொண்டிருப்பது குருவின் செயல்பாட்டை திசா நாதன் சனி தடுத்துவிடுகிறார் என்பதை காட்டுகிறது. மேலும் தன் வீட்டில் நிற்கும் குருவிற்கு கேந்திரத்தில்தான் சனி நிற்கிறார். இதனால் தன் வீட்டில் நிற்கும் குருவை கட்டுப்படுத்தும் சக்தி குருவின் சம கிரகமான சனிக்கு ஏற்பட்டுவிடுகிறது. எனினும் குரு தரும் அவமானங்களை சனியால் தடுக்க இயலாது. அதாவது அவமானங்களை எதிர்கொண்டு பிரிவினையை ஜாதகர் தவிர்ப்பார். திசா நாதன் சனி பாக்ய ஸ்தானமான 9 ஆமிடம் மேஷத்திற்கு செயல்படுவதாலும் புத்திர காரகன் குருவோடு கோட்சாரத்தில் இணைந்துள்ளதாலும் ஜாதகரின் மனைவி தற்போது கருவுற்றிருக்கிறார். லக்னத்திற்கு 4 ஆமிடதில் செவ்வாயின் வீட்டில் நிற்கும் சனி ஜாதகருக்கு வீடு யோகத்தையும் தருகிறார். ஜாதகாருக்கு சனி திசையில் சுய புக்திதான் நடக்கிறது. சிம்மத்தின் பூர்வ புண்ணியாதிபதி குரு 4 ஆமதிபதி செவ்வாயின் அவிட்ட நட்சத்திரத்தில் தற்போது திசா  நாதன் சனிக்கு 4 ஆமிடம் கும்பத்திற்கு அதிசாரமாக பெயர்ச்சியாகி வரும் குரு ஜாதகருக்கு வீடு யோகத்தை வழங்குகிறார். ஜாதகர் வீடு கட்டும் முயற்ச்சியில் நிலத்தை முதலில் தற்போது வாங்கியுள்ளார். 

இந்த நிலையில்தான் கோட்சார குரு லக்னத்திற்கு 7 ல் அதிசாரமாக வருகிறார். இதனால் ஜாதகர் பாதிப்படைவார். கோட்சார குரு லக்னத்தை பார்ப்பது சிறப்பே ஆனாலும் ஜனன காலத்தில் தான் நின்ற அதே 7 ஆமிடத்திற்கு அவமான ஸ்தானாதிபதி வருவது நிச்சயம் பாதிப்புகளை ஏற்படுத்தும். குழந்தை பிறந்ததும் மனைவி கோபம்கொண்டு கணவரோடு ஒருங்கிணைய மாட்டார். அதுவும் சில காலம்தான். அதன் பிறகு கோட்சார சனி அடுத்த வருடம் கும்பத்திற்கு வந்து அங்கு ஜனன காலத்தில் நின்ற குருவை கட்டுப்படுத்திவிடுகிறார். இதனால் மனைவியால் நீண்டநாள் கணவரை பிரிந்து இருக்க இயலாது. காரணம் தனது மூலத்திரிகோண வீட்டிற்கு வரும் 7 ஆமதிபதியும் திசா நாதனுமான சனி, குருவை தன்னோடு இணைந்து செயல்பட வைத்துவிடுவார். எனவே இங்கு குழந்தை பிறந்ததும் சில மாதங்கள் மட்டுமே நீடிக்கும் பிரிவினை நிரந்தரமாகாது தடுக்கப்படும்..

இந்த ஜாதகத்தில் கோட்சாரத்தில் அதிசாரமாகி கும்பத்திற்கு வரும் குரு ஜாதகருக்கு மனைவி வகையில் நெருக்கடியை தற்காலிகமாக கொடுப்பார் ஆனால் அது நிரந்தரமாகாமல் சனி தவிர்த்துவிடுகிறார்.

 

மீண்டும் விரைவில் மற்றொரு பதிவில் சந்திப்போம்,

அதுவரை வாழ்த்துக்களுடன்,

அன்பன்,

பழனியப்பன்.

கைபேசி: 8300124501

நீச்ச குரு தோஷங்கள்!

 

ஜோதிடத்தில் முதன்மையான சுப கிரகம் குரு ஆவார். குரு தற்போது மகரத்திற்கு வந்து நீசமாகிறார். இப்படி பிரதானமான சுப கிரகம் நீசமாவது அடுத்த ஒரு வருடத்திற்கு சிறப்பல்ல என்றாலும் இந்த காலகட்டத்தில் நடத்தப்படும் திருமணம், குழந்தைப்பேறு  உள்ளிட்ட சுபகாரியங்கள் கூட பாதிப்பை தரக்கூடியது. அதனால்தான் குரு,சுக்கிர கிரகங்கள் தோஷமடையும் காலங்களில் சுபகாரியங்களை விலக்குமாறு சொல்லிவைத்தனர் நமது முன்னோர்கள். குரு மகரத்தில் நீசம் அங்கு ஆட்சி பெற்று நிற்கும் சனியால் நீச பங்கமடைந்தாலும் கூட சில விளைவுகள் தவிர்க்க இயலாதவை. உதாரணத்திற்கு கீழே ஒரு ஜாதகம்.

 

இது 1961 ல் பிறந்த ஒரு ஆணின் ஜாதகம் இது. ஆட்சி சனியால் நீச பங்கம் பெற்ற குரு லக்னத்திற்கு 10, 12, 2 ஆகிய இடங்களை பார்க்கிறார். குரு சனி இணைவு பிரம்மஹத்தி தோஷத்தை தரும் என்றாலும் பொருளாதரத்திற்கு இது சிறப்பை தரும் அமைப்பாகும். சனியோடு இணைந்த குரு 1௦, 2 ஆகிய பாவங்களை பார்த்ததால் ஜாதகர் சிறப்பாக சம்பாதித்தார். குரு 12 ஐ பார்த்ததால் வீணான செலவுகளும் ஏற்பட்டன. இப்போது குருவோடு இணைந்த சனி லக்னத்திற்கு 8, 12, 3 ஆகிய பாவங்களை பார்க்கிறது. ஜாதகத்தில் பூர்வ புண்யாதிபதி குரு சனியால் நீச பங்கம் பெற்று நிற்கும் நிலையில் ஜாதகரின் வைராக்கியம் சீர் குலைகிறது. வைராக்யம், மன உறுதி காரகன் செவ்வாய் தனது பகை கிரகமான புதனுடன் இணைந்து 3 ல் நின்று சனியை 4 ஆம் பார்வை பார்த்து சனியின் 1௦ ஆவது பார்வையை வாங்குகிறார். முதலாவது காமத்திரிகோணமான 3 ஆவது பாவத்தில் செவ்வாய் புதனோடு இணைந்து நின்றதால், நிறைந்த சம்பாத்யத்தினால் ஜாதகர் மனச்சலனம் அடைந்து இல்லற ஒழுக்கம் தவறுகிறார். சனி 3 ஆமிட செவ்வாயை பார்த்ததன் விளைவு இது. 12 ஆமிடத்தை சனி பார்த்ததால் இதன்பொருட்டு தனது பொருளாதாரத்தின் ஒரு பகுதியை ஜாதகர் செலவு செய்கிறார். சனி அவமான ஸ்தானமான 8 ஆமிடத்தையும் தனது 3 ஆவது பார்வையால் பார்ப்பதால் தனது தவறுகள் வெளியே தெரிந்து அவமானப்படுகிறார். இத்தனைக்கும் ஜாதகத்தில் 5, 8 க்குரிய குரு நீச பங்கமடைந்துள்ளார். குரு 6 ல் மறைவது தோஷமே என்றாலும் 8 ஆமதிபதி 6 ல் மறைவது விபரீத ராஜா யோகம் ஆகும். குரு விபரீத ராஜ யோகத்தின் விளைவை பொருளாதார ரீதியாக தருகிறார். ஆனால் குருவும் சனியும் சம கிரகங்கள் என்பதாலும் சனியால்தான் தான் நீச பங்கமடைகிறோம் என்பதாலும் தண்டனை தரும் நீதிமான் சனியின் செயல்களை குருவால் தடுக்க இயலவில்லை என்பது இங்கு குறிப்பிடத்தக்கது.  

கீழே ஒரு பெண்ணின் ஜாதகம்.

            
ரிஷப லக்னத்திற்கு ஜாதகத்தில் 8, 11க்குரிய குரு பகவான் உச்ச செவ்வாயால் நீச பங்கமாகியுள்ளார். ஜாதகத்தில் 5 ஆமதிபதி புதன் நீசமாகி 5 ஆவது பாவத்தையே பார்க்கிறார். நீச பங்கமடைந்த குருவும் 5 ஆவது பாவத்தை 9 ஆம் பார்வையாக பார்க்கிறார். நீச பங்கமடைந்த குரு, தன் வீட்டில் நீசம் பெற்று நிற்கும் புதனையும் நீச பங்கப்படுத்துகிறார். ஜாதகத்தில் குரு புத்திர, குடும்ப காரகனாகிறார். அதே சமயத்தில் இந்த ஜாதகத்தில் புதன் குடும்ப, புத்திர பாவத்திற்கு அதிபதி ஆகிறார். இந்த இரு கிரகங்களும் 5 ஆம் பாவத்தை பார்க்கின்றனர். குரு ஜாதகத்தில் குடும்ப பாவமான மிதுனத்திற்கு 8 ல் மறைந்துள்ளார். அதே சமயம் 5 க்கு 5 வலுவடைந்து நிற்கிறார். குடும்ப பாவத்தில் கேது நிற்கிறார். இதனால் புதன் 2 ஆவது பாவத்தின் மீது தனது கட்டுப்பாட்டை இழக்கிறது. அதே சமயம். நீச பங்கமடைந்த புதன் 5 ஆம் பாவத்தை பார்ப்பதால் புத்திர வகையில் நன்மையை செய்தாக வேண்டும். இந்த ஜாதகிக்கு குழந்தை (பெண்) பிறந்ததும் குடும்ப வாழ்வு முறிவடைந்தது. காரணம் குரு மற்றும் புதனின் ஒருங்கிணைந்த செயல்பாடே. ஆனால் ஜாதகியின் மகள் தற்போது வெளிநாட்டில் மிகச்சிறப்பாக உயர் கல்வி பயின்று வருகிறார். இதற்கும் குரு மற்றும் புதனின் ஒருங்கிணைந்த செயல்பாடே காரணமாகிறது. ஒன்றை பறித்து மற்றொன்றுக்கு இவை இரண்டும் வழங்குகின்றன. கர்ம வினை.

மூன்றாவதாக மற்றொரு பெண்ணின் ஜாதகம்.

விருட்சிக லக்ன ஜாதகத்தில் வக்கிரம் பெற்ற குருவும் சனியும் பரிவர்தனையாகியுள்ளன. குரு வக்ரமாகிவிட்டதாலும் பரிவர்தனையடைவதாலும் நீச பங்கமடைகிறது. ஆனால் பரிவர்தனைக்குப்பிறகு 5 ல் அமரும் குரு வக்கிர குரு ஆவதால் தனது மன உறுதியில் சில விட்டுக்கொடுத்தல்களை செய்துகொள்கிறார். பரிவர்த்தனைக்குப் பிறகு 3 ல் வக்கிரம் பெற்று அமரும் சனி ஜாதகிக்கு அசட்டுத்துணிச்சலை தருகிறார். லக்னாதிபதியும் வைராக்ய காரகனுமான செவ்வாய் லக்னத்திற்கு 12 ல் மறைந்து 12 ஆம் வீட்டோன் சுக்கிரன் நீசமாகியுள்ளார். இந்த அமைப்பால் ஜாதகியின் வைராக்கியம் தளர்ச்சியுறும். பரிவர்தனைக்குப்பின் மீனத்திற்கு இடம் பெயரும் குரு, நீச நிலை பெற்று லக்ன பாதகாதிபதியுடன் இணைந்திருக்கும் சுக்கிரனின் பார்வையை பெறுகிறது. இந்த அமைப்புகள் குடும்ப மற்றும் இல்லற விஷயங்களில் ஜாதகியை தவறாக வழிநடத்தும். இந்த ஜாதகி திருமணதிற்கு முன்னரே தனக்குப்பிடித்தமானவருடன் திருமணம் செய்துகொள்ளாமல் இணைந்து வாழ்கிறார்.

குரு வாழ்வின் ஒட்டுமொத்த வளமைக்கான கிரகம். அது நீசமாகும்போது தவறான வழிகளில் உயர்வை கொடுத்து வாழ்வில் உயிரானவைகளாக, உயர்வானவைகளாக மதிக்க வேண்டிய விஷயங்களில் பாதிப்பை தந்துவிடும் வாய்ப்பு நிறைய உண்டு. தற்போதைய கோட்சாரத்தில் நீச குருவிற்கு 5 ல் கால புருஷனுக்கு 2 ல் ரிஷபத்தில் உச்ச கதியில் நிற்கும் ராகுவையும் குரு பார்க்க இருக்கிறார். இதனால் குரு-சண்டாள யோகம் செயல்படும் என்பதை இவ்வமைப்பு சுட்டிக்காட்டுகிறது. இதன் விளைவாக காலங்காலமாக நாம் கட்டிக்காத்து வந்த சமுதாய, குடும்ப, பாரம்பரிய நடத்தை நெறிகள் மாறிவிடும் என்பது கலியின் கொடுமை என்று சொல்தைத்தவிர வேறு என்ன சொல்ல?

 

விரைவில் அடுத்த பதிவில் சந்திப்போம்,

 

அதுவரை வாழ்த்துக்களுடன்,

அன்பன்,

பழனியப்பன்,

கைபேசி எண்: 8300124501.

குமரன் சந்தித்த குருப்பெயர்ச்சிகள்.

இன்று வாக்கியப் பஞ்சாங்கப்படி குருப்பெயர்ச்சி நடந்து முடிந்துவிட்டது. கிரகப்பெயர்ச்சிகளில் சந்திரன் விரைவாகச் சுழலும் கிரகம் என்பதால் அதன் தாக்கம் உடனுக்குடன் மாறிவிடும். மாதக்கிரகங்கள் தரும் பலன்களும் ஒரு மாதத்தில் மாறிவிடும். ஆனால் வருடக்கிரகங்கள் என்று சொல்லப்படும் குரு, சனியும், ராகு-கேதுக்களும் வருடம் முழுமைக்கும் குறிப்பிட்ட சில சூழ்நிலைகளில் நம்மை இருக்க வைக்கும். வருடக்கிரகங்களில் ராகு-கேதுக்கள் தாங்கள் நின்ற பாவாதிபதிகளை சார்ந்துதான் செயல்படும் என்றாலும் அவற்றிற்கும் தனிப்பலன்கள் உண்டு. இதர அனைத்து கிரகங்களையும் கட்டுப்படுத்தி வைக்கும் வல்லமை பெற்றவை நிழல் கிரகங்களான ராகு-கேதுக்கள்.  குருவும் சனியும்தான் மனித வாழ்வை அடுத்த கட்டத்திற்கு நகர்த்தும் வேலையை செய்பவை. இதில் சனி தாட்சன்யமின்றி சில சூழ்நிலைகளுக்கு மனிதர்களை இட்டுச்செல்வார். சனி அளவு கடுமை காட்டாமல் அதே சமயம் ஒரு மனிதன் அடைய வேண்டிய இலக்கை நோக்கி குரு செலுத்துவார் எனலாம்.

வருட கிரகப்பெயர்ச்சிகள் நடக்கவிருக்கும் சில நாட்களுக்கு முன்பே நம்மைச்சுற்றி நடக்கும் நிகழ்வுகளை ஊன்றிக்கவனித்தால் நம் வாழ்க்கையில் வருட கிரகங்கள் ஏப்படி மாற்றங்களை ஏற்படுத்துகின்றன என்பதை நன்கு அறியலாம்.   எனினும் அனைத்து கிரக பெயர்ச்சிகள் ஏற்படுத்தும் மாற்றங்களும் தனிப்பட்ட ஒவ்வொருவரின் ஜாதக அமைப்பிற்குத்தக்கபடி அவரவர் திசா-புக்திகளின் அடிப்படையிலேயே அமையும் என்பதே உண்மை. அதனால்தான் கிரகப்பெயர்ச்சிகளின் பலன்கள் மனிதர்க்கு மனிதர் மாறுபடுகின்றன.

கீழே நான் அறிந்த அன்பர் குமரனின் ஜாதகம்.

மேஷ லக்ன ஜாதகம். லக்னாதிபதி செவ்வாய் களத்திர ஸ்தானமான 7ல் நின்று லக்னத்தை பார்க்கிறார். இதனால் ஜாதகம் வலுவடைகிறது. லக்னாதிபதி செவ்வாய் தனது பகை கிரகமான வித்யாகாரகன் புதனுடன் இணைந்து தொடர்பு ஸ்தானத்தில் நிற்கிறார். இதனால் ஜாதகர் ஒரு ஆசிரியராக உருவெடுத்தார்.

காதல் காரகனான புதன் 7 ல் நிற்கிறார். 7 ஆமதிபதி சுக்கிரன் 7 க்கு பாதகமான காதலைக் குறிக்கும் 5 ஆமிடத்தில் வர்கோத்தமம் பெற்று நிற்கிறார். 5 ஆமதிபதி சூரியன் 6ல் லக்ன சத்ரு புதனின் வீட்டில் புதன் மற்றும் லக்னாதிபதிக்கு விரையத்தில் நிற்கிறார். இதனால் ஜாதகர் காதல் வயப்பட்டார். மகர ராசி சந்தியில் நின்று நீச குருவோடு இணைவு பெற்ற பாதகாதிபதி சனி 12, 4, 7 ஆமிடங்களை பார்க்கிறார். பாதகாதி சனி தொடர்பு பெரும் குரு, பாதகாதிபதி சனிக்கு கட்டுப்பட்டவர் ஆகிறார். இதனால் சனி-குரு இணைவு ஆசிரியராக ஜாதகர் உருவெடுத்து பொருளாதார சிறப்புகளை கொடுத்தாலும் திசா நாதனான 10 ஆமிட குரு குடும்ப வகையில் பாதகத்தையும் தயங்காமல் செய்வார் எனலாம். இதில் சனி செவ்வாய் இரண்டும் ஒன்றை ஒன்று பார்த்துக்கொள்கின்றன என்பதும் சனி வர்கோத்தமம் பெற்றுள்ளதும் கவனிக்கத்தக்கது. இந்த அமைப்புகள் காதலுக்கு சாதகமானது அல்ல. காதல் ஆசையைத்தூண்டும் கேது லாபத்தில் நின்றாலும் பாதகத்தில் நிற்கிறார் என்பது கவனிக்கத்தக்கது. காதலுக்கு உதவும் 5 க்கு லாப பாவமான 3ல் மாந்தியுடன் சேர்க்கை பெற்று கேதுவின் திரிகோணத்தில் சந்திரன் நிற்கிறார். குருவோடு இணைந்த சனி ராசிக்கு இரண்டாமிடத்தை பார்க்கிறார். சனியோடு இணைந்த குரு லக்னத்திற்கு இரண்டாமிடத்தை பார்க்கிறார். திருமணதிற்கு முன் ஜாதகர் காதலால் பெருத்த அவமானத்தை சந்திக்க இருப்பதையும் அது மரணத்திற்கு சமமானதாக இருக்கும் என்பதையும் மாந்தியோடு இணைவு பெற்று புதனின் வீட்டில் நிற்கும் சந்திரன் உணர்த்துகிறது.

காதலால் ஜாதகர் அவமானப்பட்ட காலத்தில் (1989) குரு மிதுனத்திலும் கேது சிம்மத்திலும் ராகு கும்பத்திலும் அமைந்திருந்தனர். அப்போது குரு திசை கேது புக்தி நடந்தது.

காதலால் அவமானப்பட்ட பிறகு 1990 ல் குரு ஜாதகருக்கு நன்மையை செய்யும் நிலைக்கு கோட்சார ரீதியாக கடகத்தில் வந்து உச்சமடைகிறார். கடகத்தில் உச்சமான குரு ஜனன காலத்தில் மகரத்தில் அமைந்த நீச குருவையும் சனியையும் தனது உச்ச பார்வையால் பார்த்து சமாதானமடைய செய்கிறார். அதுமட்டுமல்லாமல் ஜனன காலத்தில் கும்பத்தில் பாதகத்தில் அமைந்த கேதுவோடு கோட்சாரத்தில் கடகத்தில் கூடி சர்ப்ப கிரகங்களையும் சமாதானப்படுத்துகிறார். பாதகாதிபதி சனியும் கோட்சாரத்தில் உச்சமான குருவின் வீட்டில் தனுசுவில் நிற்கிறார். இதனால் குருவின் கட்டளைகளை சனி ஏற்றுக்கொள்ளும் மன  நிலையில் இருப்பார் எனலாம். குரு திசையில் 7 ஆமதிபதி சுக்கிரனின் புக்தி நடந்த  இக்காலகட்டத்தில்  ஜாதகருக்கு திருமணம் நடந்தது.

தற்போது 1992. கோட்சார குரு 7ஆமிடமான துலாத்திற்கு   பாதகமான சிம்மத்திற்கு வருகிறது. அங்கு ஜனன சுக்கிரன் ஏற்கனவே ராகுவோடு இணைந்து பாதிக்கப்பட்டிருக்கிறார். கோட்சார குரு ஜனனத்தில் தன நின்ற பாவத்திற்கு அஷ்டமத்தில் வந்த நிலையில் கோட்சார சனி ஜனன சனி-குருவோடு மகரத்தில் சேர்க்கிறது. கோட்சார கேது ஜனன சந்திரன் மேல் மிதுனத்திலும் ராகு தனுசுவிலும் அமைகிறது. நடப்பது குரு திசையில்  லக்னத்திற்கு 6ல் நிற்கும் சூரிய புக்தி. ஜாதகரின் முதல் திருமணம் முறிவுற்றது. 

ஜாதகர் தற்போது 1998ல் வந்து நிற்கிறார். ஜாதகரை பாடாய் படுத்திய குரு திசை முடிவுக்கு வந்துவிட்டது. 1, 6, 10 திசா-புக்திகள் பொதுவாக பிரிவினையை சொல்லும் என்றாலும் குரு பாதகாதிபதி சனியோடு 10 ல் சேர்ந்ததால் சனியின் குணங்கள் அனைத்தும் குருவுக்கு இருக்கும். அதனால் வாழ்க்கை குருவின் அனைத்து காரகத்துவ ரீதியாகவும் பாழ்பட்டது எனலாம். தற்போது சனி திசை என்பதால் குருவோடு சேர்க்கை பெற்ற சனிக்கு குருவின் அணைந்து தன்மைகளும் இருக்கும். தற்போது சனி திசை துவக்கம்.  சனி 12, 4, 7 ஆம் பாவங்களை குருவோடு இணைந்த நிலையில் ஜனனத்தில் பார்க்கிறார். கோட்சார சனி மேஷத்தில் நிற்கிறார். ராகு கேதுக்கள் ஜனனத்தில் நின்ற அதே சிம்மம் கும்பத்தில் நிற்கின்றன. கோட்சார குருவும் ராசிக்கு 9ல் நின்று ராசியையும் களத்திர ஸ்தானமான துலாமையும் பார்ப்பதோடு கும்பத்தில் கேதுவோடு கூடி  சிம்ம ராகுவை பார்த்து சர்பங்களை சாந்தி செய்கிறார். இதனால் வாழ்வில் ஒரு மறுமலர்ச்சி ஜாதகருக்கு ஏற்பட வேண்டும். ஜாதகருக்கு இக்காலத்தில் இரண்டாவது திருமணம் நடந்தது. 

ஜாதகருக்கு 2 ஆவது திருமணமான சில மாதங்கள் கழிந்த நிலையில் கோட்சார குரு தற்போது மீனத்திற்கு பெயர்ச்சியாகி சனியின் உத்திரட்டாதி நட்சத்திரத்தில் நின்று 6 ஆமிட ஜனன சூரியனை பார்வை செய்கிறது. ஜீவன காரகன் சனி,  வேலையை குறிக்கும் 6 ஆம் பாவத்தில் நிற்கும் சூரியனின் உத்திராடம் நட்சத்திரத்தில் மகரத்தில் நின்று திசை நடத்துகிறது. இந்தக்காலத்தில் ஜாதகருக்கு நல்லதொரு பள்ளியில்  அரசு பணிக்கு இணையான கௌரவமான சம்பாத்தியத்தில் வேலை கிடைத்தது.

தற்போது 1999 இறுதி மாதம். கோட்சார குரு மேஷத்திற்கு வந்து நீச சனியோது இணைகிறது. கோட்சார ராகு சிம்மத்தை விட்டு நகர்ந்து கடகத்திலும் கேது மகரத்திலும் நிற்கிறது. கோட்ச்சாரத்தில்  சனியோடு இணைந்த குரு லக்னத்திற்கு 5, 7, 9 ஆமிடன்களை பார்வை செய்கிறது. ஜாதகரின் மனைவிக்கு தற்போது பெண் குழந்தையை அருளினார் குரு.

தற்போதைய காலம் 2007 பிப்ரவரி 26. குரு திசையில் முதல் பகுதியான 9 ஆவது ஆதிபத்தியம் முடிந்து 2 வது ஆதிபதியமான 12 ஆமிட விரைய ஆதிபத்தியம் நடக்கிறது. குரு ராசிக்கு 6 லும் லக்னத்திற்கு  8 லுமான விருட்சிகத்தில் கோட்சாரத்தில் வந்து அமைந்துள்ளார். கோட்சார குருவின் பார்வை ராசி மற்றும் லக்னத்திற்கு இல்லை. பாதகாதிபதி சனி கோட்சார குருவின் 9 ஆவது பார்வையை வாங்கினாலும் கோட்சார குருவிற்கு கோட்சார சனி பாதகத்தில்தான் அமைந்துள்ளது. எனவே குருவின் கட்டளையை ஏற்றுக்கொள்ள சனிக்கு மனமில்லை. கோட்சார சனி லக்னத்திற்கு 4ல்  தனது பகை வீட்டில் லக்னத்திற்கு 6 ஆமதிபதி புதனின் ஆயில்ய நட்சத்திரத்தில் அமைந்துள்ளது. கோட்சார கேது சிம்மத்திலும் கோட்சார ராகு கும்பத்திலும் நிற்கிறது. வாகனங்களை குறிக்கும் செவ்வாய் கோட்சாரத்தில் மகரத்தில் உச்சம் பெற்று ஜனனத்தில் லக்னத்திற்கு 6 நின்ற சூரியனின் உத்திராடம் நட்சத்திரத்தில் நிற்கிறது. மற்றொரு வாகன கிரகம் சுக்கிரன் மீனத்தில் உச்சம் பெற்று பாதகாதிபதி சனியின் பூரட்டாதி நட்சத்திரத்தில் நிற்கிறது. கோட்சார சந்திரனும் கோட்சார மாந்தியும் ஜனன காலத்தில் நின்ற அதே மிதுன ராசியில் நிற்கின்றன. நடப்பது சனி திசையில் ஜனனத்தில் ராகுவோடு சேர்ந்து பாதிக்கப்பட்ட சுக்கிரனின் புக்தி. கோட்சார சந்திரன் நிற்பது ராகுவின் திருவாதிரை நட்சத்திரம். இந்த நாளில் ஜாதகர் வாகன விபத்தில் நூலிழையில் உயிர் தப்பினார். வலது காலில் ஏற்பட்ட எழும்பு முறிவுக்காக  ஜாதகருக்கு இரும்புத் தகடு பொருத்தப்பட்டது.

தற்போது 2016 நவம்பர் மாதம் 29 ம் நாள். குருவின் தன்மையை பெற்ற சனியின் திசையில் சனியின் தன்மையை பெற்ற குருவின் புக்தி. குரு பாதகத்தை செய்வார் என்பதில் மாற்றுக்கருத்துக்கு இடமில்லை. கோட்சார குரு லக்னத்திற்கு 6 ல் மறைந்துள்ளது. கோட்சார சனி லக்னத்திற்கு 8 ல் பகை வீட்டில் விருட்சிகத்தில் நிற்கிறது. கோட்சார ராகு-கேதுக்கள் ஜனன காலத்தில் நின்ற அதே இடத்தில் நிற்கின்றன. கோட்சார குரு ஜனனத்தில் 3 ல் நின்ற சந்திரனின் ஹஸ்தம் நட்சத்திரத்திலும் கோட்சார சனி 6 ஆமதிபதி புதனின் கேட்டை நட்சத்திரத்திலும் நிற்கின்றன. இதனால் விபரீதமாக ஒரு விழைவு நடக்கும் என்பது உறுதியாகிறது. ஜாதகருக்கு அன்றைய நாளில் நடந்த வாகன விபத்தில் இடது கையில் எழும்பு முறிவு ஏற்பட்டது. அதனால் இரும்புத் தகடு பொருத்தப்பட்டது.

தற்போது இன்று 29.10.2019ல் ஜாதகர் லக்னத்திற்கு 6 ஆமதிபதி புதனின் திசையில் ஜனன காலத்தில் பாதகத்தில் நிற்கும் கேதுவின் புக்தியில் உள்ளார். கோட்சாரத்தில் சனியும் கேதுவும் இணைவு பெற்றுள்ளார்கள். புதன் வேலையை குறிக்கும் 6 ஆமதிபதி. கேது தடையை குறிக்கும் கிரகம். சனி ஜீவனத்தை குறிக்கும் கிரகம். தற்போது ராசிக்கு 7 லும் லக்னத்திற்கு 9 லிலும் குரு வந்து அமர்ந்துள்ளார். ஜாதகர் தற்போது பணி ஓய்வு பெறவுள்ளார். தந்தையார் காலத்தில் விட்டுப்போன தனது குல தெய்வ வழிபாடுகளை முறைப்படுத்தி ஜாதகர் செய்து வருகிறார். தனது மகளின் வாழ்வை நல்ல முறையில் அமைத்துத்தர வேண்டிய நிலையில் புதிய ஒரு சூழலில் ஒரு எளிய பணியை ஜாதகர் நாடுகிறார்.

கோட்சார கிரகப்பெயர்ச்சிகள் ஜனன ஜாதகத்தில் இல்லாத ஒன்றை நமக்கு வழங்கிவிட முடியாது. கோட்சார கிரகங்கள் வழங்கும் பலன்களும் திசா-புக்திகளின் அனுமதியின் பேரிலேயே நடக்கும். கோட்சார கிரகங்கள் தோஷம் தரக்கூடிய இடங்களில் அமைந்தாலும் திசா-புக்திகள் சாதகமாக அமைந்துவிட்டால் பெரிய சிரமங்கள் ஏற்படுவதில்லை. இதற்கு உதாரணமாக ஏழரை சனியில் உயர்வு பெரும் எண்ணற்றவர்களின் ஜாதகங்களை என்னால் கூற முடியும்.

வருட கிரகங்களின் பெயர்ச்சிகளை குறிப்பாக குருப்பெயர்ச்சியை நாம் கொண்டாடுவோம். அதைவிட முக்கியமாக நேரிய வழியில் வாழ்ந்திடுவோம். நேரிய வழியில் செல்வோருக்கு கிரகப் பெயர்ச்சிகள் தரும் சிரமங்களை பொறுத்துக்கொள்ளும் பக்குவமிருக்கும். சாதகமான காலம் வரும் வரை சாந்தமான வாழ்வு வாழ்வோருக்கு நிச்சயம் நல்ல பலன்கள் உரிய காலத்தில் கிடைக்கும்.

மீண்டும் மற்றுமொரு பதிவில் சிந்திப்போம்.

அதுவரை வாழ்த்துக்களுடன்,

அன்பன்,

பழனியப்பன்.

கைபேசி: 8300124501

குருப்பெயர்ச்சி – என் தேசம் என் மக்கள்

கருணைக் கடல் களங்கமற்ற முழுமையான ஒரே சுபன் குருபகவான் தனது உச்ச ராசியான கடகத்திற்கு இன்னும் சில தினங்களில் வரவிருக்கிறார்.

உலக மக்கள் அணைவராலும் ஆவலுடன் எதிர்பார்க்கப்படும் இரு முக்கிய கிரகப் பெயர்ச்சிகள் குருப்பெயர்ச்சியும் சனிப்பெயர்ச்சியும். மனித வாழ்வை இயக்கும் இரு மகத்தான மாபெரும் சக்திகள் இவை இரண்டும் என்றால் அது மிகையல்ல. இதை ஜோதிடர்கள் நன்கறிவர். இந்த இரண்டு கிரகங்களுமே தனது உச்ச வீட்டில் இந்த வருடத்தில் நிலைகொள்வது அரிதான செயல்.

இதன் தாக்கம் என்ன என்பதை அறிந்து கொள்வதில்தான் சாமான்யனுக்கு ஆவல்.

இனி பலன்களைக் காண்போம்.

இந்தியா :

இந்தியாவைப் பொறுத்தவரை அதன் ரிஷப லக்னத்திற்கு பாக்யாதிபதி சனி பகவான் கடந்த இரண்டாண்டுகளுக்கும் மேலாக உச்சத்தில் இருக்கிறார். பாக்யாதிபதி உச்சத்திலிருக்கும் போது பாக்யங்களை தரத் தவறாது என்பது ஜோதிட உண்மை. நீதிமான் சனியும் தனது பணியை செவ்வனே செய்துள்ளார். ஆம் இந்தியாவை அதன் மக்களை கொடூர அரசியல்வாதிகளிடமிருந்து காத்துவிட்டார். இந்தப் பணியை தன்னுடன் கோச்சாரத்தில் உடனிருக்கும் ராகுவின் கடும் எதிர்ப்பையும் மீறி செய்துள்ளார் என்பது இங்கு குறிப்பிடத்தக்கது. 

ராகுவின் அம்சமே இந்தியாவை ஆட்சி செய்யும் என்று கடந்தவருட குருப்பெயர்ச்சி பற்றிய பதிவிலேயே  பார்த்தோம். ராகு சனியைப் போல செயல்படுபவர் என்பதால்தான் 17 ஆம் தேதி பிறந்து (17.09.1950) எண் ஜோதிடப்படி சனியின் ஆதிக்கத்தில் வரும் 8 ஆம் எண்ணுக்குரியவரும் சனியின்  நட்சத்திரத்தில் (அனுஷம்) பிறத்தவருமான மோடி  தேசத்தை வழி நடத்துபவராக ஆகியிருக்கிறார்.

ராகு விதவைப் பெண்ணை குறிக்கும் என்பதால் விதவையை (சோனியா காந்தியை) தலைவியாகக் கொண்ட காங்கிரஸ் ராகுவின் அம்சம். ராகு நிழல்கிரகம் என்பதால்தான்  காங்கிரஸ் பின்னாலிருந்துதான் தேசத்தை இயக்கியது. சனியின் அனுஷ நட்சத்திரத்தில் பிறந்தவர் மோடி. எனவே மோடி  சனியின் அம்சம். சனி முழுமையான முக்கிய கிரகம் ஆகும்.எனவே பி.ஜே.பி தேசத்தை நேரடியாக இயக்குவதை காணலாம். ஆனால் சனிக்கு  ராகு (பி.ஜே.பி க்கு காங்கிரஸ்) முழுமையாக துணை நிற்கும்.

கடலில் மூழ்கும் மனிதனின் கடைசி  நேரக் கூக்குரல்போல பிரிவினைவாதிகள் 2016 மத்திவரை கூச்சலிடுவார்கள்  பிறகு காணாமல் போவார்கள் என்று சென்ற வருட குருப்பெயர்ச்சி பதிவில் குறிப்பிட்டிருந்தேன். அவை படிப்படியாக  காங்கிரசின் சதிராட்டங்களுக்குமுன் அழிவதை கண்டு செய்வதறியாது திகைத்து நிற்கும்  என்றும் குறிப்பிட்டிருந்தேன். இந்தத் தேர்தலில் அதன் வெளிப்பாடு தெளிவாகத் தெரிந்தது. தி.மு.க, ம.தி.மு.க , சமாஜ்வாடி , பா.மா.கா, பகுஜன் சமாஜ் கட்சி போன்ற அத்தகைய கட்சிகளை காங்கிரஸ் கட்டம்கட்டி காணாமல் போகச் செய்ததை கண்கூடாகக் காண முடிந்தது . இதில் கம்யுனிஸ்டுகளும் காணாமல்போனதுதான் வேதனை. இனி வரும் காலங்களில் இந்தக் கட்சிகளை பி.ஜே.பி கையாளும் விதத்தைப் பார்த்து  இக்கட்சிகள்,  காங்கிரசும் பி.ஜே.பியும் இரட்டைக்குழாய்  கொண்ட ஒரே துப்பாக்கிதான் என்பதை உணரும் .

தற்போது இந்தியாவின் ராசியான கடக ராசிக்கு பாக்யாதிபதியான குருவும் தனது உச்ச வீட்டிற்கு வருகிறார். மகாவிஷ்ணு ராமாவதாரம் எடுக்கவிருக்கிறார் என்பதை அறிந்து கிரகங்கள் அதன் உச்ச வீட்டிற்கு விரைந்தன என்பது புராண கதை (ஸ்ரீராமனின் ஜாதகத்தில் ஐந்து கிரகங்கள் உச்சம்). தற்போது சுதந்திர இந்தியா தனது ஜாதக தோஷங்கள் அணைத்திலும் இருந்து விடுபட்டு சரியான பாதைக்குத் திரும்பியுள்ள சூழ்நிலையில் இந்த குருப்பெயர்ச்சி அதி முக்கியத்துவம் வாய்ந்தது.கோவர்த்தனகிரியை தனது சுண்டுவிரலால் தூக்கி மக்களைக் காத்த அந்த கோபாலனைப் போல நம் இந்தியாவைக் காக்க மோடியை அனுப்பி வைத்தான் இறைவன்.

படம் உதவிக்கு நன்றி: இஸ்கான்.

சனியைப் போல் ராசிக்கு பக்யாதிபதி குருவும் நமது தேசத்திற்கு பாக்யங்களை தரத் தயங்கமாட்டார் என்பது உறுதி. கடந்த வருட குருப்பெயர்ச்சி பற்றிய பதிவில் நான் குறிப்பிட்டவற்றை இங்கு நினைவு கூர்வோம்.

அதில் முக்கியமானவை, நாடாளுமன்றத் தேர்தலில் மக்கள் ஒரு கட்சிக்கு ஆதரவாக வாக்களிப்பது, தேசம் இருகட்சி ஜனநாயக முறைக்குத் திரும்புவது, ரூபாயின் மதிப்பு, தங்கத்தின் மீதான கட்டுப்பாடுகள், தமிழகமின்வெட்டு  போன்றவை. குறிப்பாக பாதுகாப்பு, ராணுவம்  மற்றும் அது தொடர்புடைய வின்வெளி &  ஏவு சாதனங்கள் போன்றவற்றில் எப்போதும் இல்லாத பல சாதனைகள் செய்யப்பட்டுள்ளன.  சென்ற வருட குருப்பெயர்ச்சி பதிவில் நான் மேலும் சிலவற்றை  குறிப்பிட்டிருந்தாலும்  அவை அணைத்தையுமே நேரடியாக மக்கள் உணர முடியாது என்பது இங்கு குறிப்பிடத்தக்கது.

பிரிவிணைவாதிகள் மற்றும் தேசவிரோத, சுயநல அரசியல்வாதிகள் சூழ்ச்சிக்காரர்கள் மக்களால் ஒதுக்கப்படுவர் என்றது நடந்தது என்றாலும் காங்கிரசும் பி.ஜே.பியும் வெளிப்படையாகக் கூறமுடியாத சில அவசியத்தின் பொருட்டு இவர்களை இன்னும் சில ஆண்டுகள் முழுமையாகக் அழித்துவிடாது கட்டுப்படுத்தி மட்டுமே வைத்திருக்கும் என்பதையும் இங்கு குறிப்பிட விரும்புகிறேன்.

உலகம்:

உலக அரங்கில் அமெரிக்காவின் செல்வாக்கு உயரும். அதன் பொருளாதாரம் மேம்படும். ஆனால் அமெரிக்கா இனி இந்தியாவின் உதவியின்றி உலக அரங்கில் தன்னால் கோலோச்ச முடியாது என்ற உண்மையை முழுமையாகப் புரிந்துகொள்ளும்.

சீனாவிற்கும் இந்தியாவிற்குமான உறவு சீரடையும் என்றாலும் சில மறைமுகமான விரும்பத்தகாத விளைவுகள் மகர ராசியில் செவ்வாய் உச்சமடைந்து விருச்சிகச் சனியால் பார்க்கப்படுபோது (மார்கழி மாதம்) ஏற்பட வாய்ப்புள்ளது. அப்போது  டெல்லி, ஸ்வீடன், பிரசில், மொராக்கோ, நார்வே போன்றவை தீவிரவாத தாக்குதலுக்கு உள்ளாகலாம்.

சீனா தனது நாட்டில் வளர்ந்துவரும் இஸ்லாமியத் தீவிரவாதிகளை ஒடுக்க ஈவிரக்கமற்ற முறைகளைக் கையாளும்  என்றாலும் சில குண்டுவெடிப்புகளை தடுக்க இயலாது. ஆனால் குரு பார்வை செவ்வாய்க்கும் விருச்சிக ராசியிலிருக்கும் சனிக்கும் ஏற்படுவதால் பாதிப்பு குறைவாகவே இருக்கும்.

ஆப்பிரிக்க நாடுகளில் இஸ்லாமிய தீவிரவாதம் பெரும் சீரழிவைக் கொண்டுவரும். அமெரிக்கா மட்டுமின்ற சீனா மற்றும், ரஷ்யாவும் அதை ஒடுக்க முன்வரும் என்றாலும் அது உடனடியாக முடியாது. ஆப்பிரிக்க நாடுகளில் இஸ்லாமியத் தீவிரவாதத்தால் பல்லாயிரக்கணக்கானோர் பலியாவர் என்பதை சனி, ராகு, செவ்வாயின் நிலை குறிப்பிடுகிறது.

தனுசு ராசி அமைப்பில் வரும் அரேபிய தீபகர்ப்பத்தில் தீவிரவாதமும் பிரிவினைவாதமும் அதிகமாகும். காரணம் தனுஷு ராசிக்கு நவம்பர் மாதம் ஏழரை சனி துவங்குகிறது.  அமெரிக்காவுக்கும் சவூதி அரேபியாவிற்கும் கருத்துவேறுபாடு அதிகமாகும். அதனால் அவ்விரு நாடுகளின் பொருளாதாரமும் பாதிப்புக்குள்ளாகவிருப்பதை கிரக நிலைகள் குறிப்பிடுகின்றன. டிசம்பர் மாதம் தனது உச்ச வீட்டில் வக்கிரமடையும் குரு அப்படி ஒரு சூழ் நிலையை ஏற்படுத்துவார்.

மீன ராசி அமைப்பில் வரும் இலங்கை சனிப்பெயர்ச்சிக்குப் பிறகு நல்ல மதிப்பான நிலைக்கு மாறும். இந்தியாவின் நெருங்கிய நட்பு நாடாகவே செயல்படும். மீனவ மற்றும் கச்சத்தீவு பிரச்சனைகளைப் பொறுத்தவரை அவை இரு நாட்டு நல்லுறவைப் பாதிக்காது. காரணம் அது அரசியல் காரணங்களுக்காக இந்திய இனவாத அரசியல்வாதிகளால் ஏற்படுத்தப்படும் ஒரு மாயையே.

பாகிஸ்தானின் சுதந்திர ஜாதகம்.

பாகிஸ்தான் உள்நாட்டுத் தீவிரவாதத்தால் எப்போதும் இல்லாத வகையில் பாதிக்கப்படும் என்பதை பாகிஸ்தானின் ஜாதகத்தில் சுக்ரதிசையில் ஜூலை மாதம் மூன்றாவது வாரத்தில் துவங்கும் சனி புக்தி மற்றும் கிரக சஞ்சார நிலைகளில் இருந்து அறியமுடிகிறது. பாகிஸ்தான் விரித்த வலையில்  பாகிஸ்தானே விழுந்து தப்பிக்க வழியின்றி தவிக்கும். மக்கள் பாகிஸ்தானில் பிழைத்திருக்க எத்தகைய செயலுக்கும் துணிவர். ஆளும் தலைவர்களை நம்பிப் பயனில்லை எனும் சூழ்நிலையில் மக்கள் புரட்சி ஏற்பட வாய்ப்புள்ளதை கிரக நிலைகள் குறிப்பிடுகின்றன. மக்களின் ஒரு பிரிவினர் அரசுக்கு எதிராகப் போராடாமல் அதன் ராணுவத்திற்கு எதிராகப் போராடும் அதிசய நிகழ்வை வரும் மாதங்களில் அங்கு  காணலாம். ஆளுபவர்கள் மக்களுக்காக இல்லாமல்  தங்களைக் காத்துக்கொள்ள ராணுவத்துடன் இணைந்து செயல்படுவர். அதனால் ஆள்கடத்தல் மற்றும் தற்கொலைப்படைத் தாக்குதல் மரணங்கள் பாகிஸ்தானில் சர்வ சாதாரணமாகிவிடும்.

மனிதனை அழிக்க மனிதனே கருவியாகும் தற்கொலைப்படை தாக்குதலை ராஜீவ்காந்தி மரணம் மூலம் உலகிற்கு விடுதலைப்புலிகளால் அறிமுகப்படுத்தியவன்  தமிழன் என்ற முறையில் ஒரு தமிழன் என்று கூறுவதற்கே நான் வெட்கப்படுகிறேன்.

தமிழ்நாடு:

சனிப்பெயர்ச்சிக்குப் பிறகே 90%  மின்வெட்டு இருக்காது என்று கடந்த ஆண்டு எழுதியிருந்தேன். அதன்படியே நடக்கிறது. ராகு கேதுப் பெயர்ச்சி மற்றும் சனிப் பெயர்ச்சிகள் தமிழக அரசின் மின்திட்டங்கள் முழுமையான செயல்பாட்டுக்கு வர வருட இறுதியாகும் என்பதைக்  குறிப்பிடுகின்றன. திட்டங்களை தீட்டுவது மனிதர்கள்தான் எனினும் அவை செயல்படுத்தப்பட்டு பயன்பாட்டுக்கு வரும் கால கட்டத்தை கிரக நிலைகளைக் கொண்டு தெளிவாக அறியலாம்.

அரசியலில் இது ஜெயலலிதாவின் காலமே. அரசை ஜெயலலிதா மிகச் சிறப்பாகவே வழிநடத்துவார். வரவிருக்கும் சட்டமன்றத் தேர்தலும் அவருக்கு சாதகமே என்பதை அவருக்கு நடக்கும் குரு திசையின் வலிமையை வைத்து தெளிவாக அறியலாம். மூன்று கிரகங்கள் உச்சமான  கருணாநிதியின் ஜாதக வலு தற்போது செயலிழந்துவிட்டது.

பி.ஜே.பிக்கு தமிழ் நாட்டிலிருந்து முக்கியமான உதவிகள் கிடைக்கும் என்பதை கிரகச் சூழ்நிலைகளில் இருந்து அறிந்துகொள்ளலாம்.

மோடியின் முன் உள்ள சவால்கள்:

உள் நாட்டுப் பாதுகாப்பு.

நக்சலைட்டுகளை வேரறுப்பது.

இயற்கைவளங்களை அழிக்காது வளர்ச்சியை முன்னெடுத்துச் செல்வது.

விவசாயத்திற்கு புத்துணர்ச்சி அளிப்பது.

உற்பத்தி, வளர்ச்சி, வேலை வாய்ப்பு, பொருளாதார முன்னேற்றம்.

ராணுவ பாதுகாப்புக் கட்டமைப்பை பலப்படுத்துவது, அவற்றிற்குத் தேவையான நவீன தளவாடங்களை தடையின்றி கிடைக்கச் செய்வது.

வருவாய் ஆதாரங்களைப் பெருக்குவது.

நீராதாரங்களை பாதுகாப்பது மற்றும் நதி நீர் மேலாண்மையை சீரமைப்பது.

மதமாற்றத்தை ஒழிப்பது. முக்கியமாக கிறிஸ்தவத்தின் மூலம் நமது பண்பாட்டை சிதைக்க முயலும் அந்நிய சக்திகளை அழிப்பது. அதாவது கிறிஸ்தவத்தை வேரறுப்பது.

கூடங்குளம் போன்று தேசத்தின் வளர்ச்சிக்கு அவசியமானவைகளை தடைசெய்திட முயன்ற வெளிநாட்டு சதிக்குத் துணை நிற்பவர்களை பைத்தியக்காரர்களாக்குவது. அதன் மூலம் அத்தகைய அந்நிய சக்திகள் இந்தியாவைக் கண்டு நடுநடுங்கச் செய்வது.

தேச வளர்ச்சிக்கு தேவையான சிறந்த தலைவர்களை உருவாக்குவது.

மதம், இனம், மொழி,பிராந்திய, ஜாதீயவாதிகளை வளரவிடாமல் பார்த்துக்கொள்வது. இவைதொடர்பான சமுதாய மற்றும் அரசியல் அமைப்புகளை கட்டுப்படுத்துவது.

செயலற்றுவிட்ட நீதித்துறையை வலுப்படுத்துவது. (ஆனால் இவற்றிற்கு சுயாச்சி அளித்தால் இத்துறையினருக்கு சம்பளம் அமெரிக்காவிலிருந்துதான் வரும் என்பதால் சுயாச்சி கூடாது.)

கல்விக்கு, சுற்றுப்புற சுகாதாரத்திற்கு முன்னுரிமை அளிப்பது. (சீனாவில் சுற்றுப்புற சுகாதாரத்திற்கு கேடுவிளைவிப்பவர்களுக்கு அதிகபட்சமாக மரண தண்டனை வழங்கப்படுகிறது).

வளர்ச்சிக்குத் தேவையான எரிபொருள், மின்சாரம் போன்றவற்றில் அதிக ஆய்வும் முதலீடும் தேவை. இல்லையேல் வளர்ச்சி தடைபடும்.

வனவளங்களை பாதுகாப்பது. மரம் வெட்டுபவர்களையும் மரக்கடத்தலுக்கு துணை புரிபவர்களுக்கும் அதிகபட்ச தண்டனை அளிப்பது.

இவை எல்லாவற்றையும்விட தவறு செய்துவிட்டு மத, மொழி, இன, பிராந்திய, ஜாதீயப் போர்வைக்குள் ஓடி ஒளியும் பாதகர்களை கடுமையாகத் தண்டிப்பது அவசியம். இதற்கு பொது சிசில் சட்டம் அவசியம்.

வெளியுறவுக் கொள்கையைப் பொறுத்தவரை காங்கிரஸ் வகுத்துச் சென்ற பாதை சிறப்பானதே. அவசியம் ஏற்பட்டாலன்றி அதில் மாற்றம் கூடாது.

அண்டை நாடுகளுடன் உறவுகளை மோடி எப்படி கையாள்கிறார் என்பதிதான் பி.ஜே.பி யின் வெற்றி உள்ளது. எனவே அண்டை நாடுகளுடனான உறவில் மிகுந்த கவனம் தேவை.

இந்தியாவின் இறையாண்மை என்பது பாகிஸ்தானைச் சார்ந்தே உள்ளது.

காஷ்மீரைப் பொறுத்தவரை அங்கு அரசியலைப்புச் சட்டத்தின் 370 ஆவது பிரிவில் பல மாற்றங்கள் தேவை. ஆனால் அதை நீக்குவது கூடாது என்பது எனது தனிப்பட்ட அபிமானம். அதாவது காஷ்மீரில் அங்கு பூர்வ குடிமக்களான பண்டிட்டுகள் மீண்டும் குடியமர்த்தப்பட வேண்டும். காஷ்மீரில் திருமணம், குடியுரிமை போன்றவற்றில் இந்தியாவின் உரிமை முழுமையாக நிலை நாட்டப்பட வேண்டும். இந்துக்களும் முஸ்லீம்களும் இணைந்து வாழும் சூழ்நிலையை உருவாக்க வேண்டும். பிரிவினைவாதிகளின் ஆணிவேர்கள் இந்தியாவின் முழுக் கட்டுப்பாட்டிலேயே இயங்கவேண்டும். மறுப்பவர்கள் ஒழித்துக் கட்டப்படவேண்டும். ஆனால் அங்கு பிற மாநிலத்திவர்கள் குடியேற, நிலம் வாங்கும் உரிமைகளில் நீடித்த நடைமுறை தேவை. அவசரகதியில் இவற்றை செயல்படுத்தக் கூடாது. ஏனெனில் அது எதிர்மறை விளைவுகளைத் தோற்றுவிக்க வாய்ப்புள்ளது.  

விரைவில் அடுத்த பதிவில் சந்திப்போம்.

வாழ்த்துக்களுடன்,

அன்பன்,

பழனியப்பன்.

குறிப்பு: 
ஆய்வுக்கு உதவிய ஆதார நூல்கள்; சாராவளி, உத்திர காலமிர்தம்.

குறிப்பிட மறந்த பிற்சேர்க்கை:
தமிழக முதல்வர் செல்வி ஜெ.ஜெயலலிதா அவர்களுக்கு இவ்வருட பின்பகுதியில் குரு திசையில் துவங்கும் சனி புக்தி சில இடர்பாட்டைத் தர உள்ளது. 2015 ஆம் ஆண்டு ஜெயலலிதாவின் ஜென்ம ராசிக்கு பெயர்ச்சியாகி வரும் அஷ்டமாதிபதி குருவும் ராசிக்கு 4 ல் (அர்தாஷ்டமத்தில்) விருச்சிக ராசியில்  நிலை கொண்டு சிம்ம ராசிக்கு ராஜ்ய ஸ்தானமான 10 ஆமிடத்தைப் பார்க்கும் சனியும் அவரது பதவிக்கு ஆபத்தை விளைவிக்க வாய்ப்புள்ளது. எனினும் சனி லக்னாதிபதி புதனின் சாரத்தில் உள்ளதாலும் குருவின் வீட்டில் நிலைகொண்டுள்ள கேதுவாலும் இது தவிர்க்கப்படவும் வாய்ப்பு உண்டு. கேது 11 ஆம் பார்வையாகவும் விருச்சிக சனி 3 ஆம் பார்வையாகவும் சிம்ம ராசிக்கு 6 ஆமிடத்தை (எதிரி ஸ்தானத்தை) பார்ப்பதாலும்  இது தவிர்க்கப்படக்கூடும். நாட்டில் நல்லாட்சி தொடரவேண்டும் என்ற ஆவலில் இது எச்சரிக்கையாக முதல்வருக்கு அறிவுறுத்தப்படுகிறது.